।।उपदेशपञ्चकम् ।। - श्री शंक्कराचार्यकृतम्

वेदो नित्यमधीयतां तदुदितं कर्म स्वनुष्ठीयतां

तेनेशस्य विधीयतामपचितिः काम्ये मतिस्त्यताम् ।

पापौघः परिधूयतां भवसुखे दोषोऽनुसन्धीयताम्

आत्मेच्छा व्यवसीयतां निजगृहात्तूर्णं विनिर्गम्यताम् ।।

सङ्गः सत्सु विधीयतां भगवतो भक्तिर्दृढाऽऽधीयतां

शान्यादिः परिचीयतां दृढतरं कर्माशु सन्त्यज्यताम् ।

सद्विद्वानुपसर्प्यतां प्रतिदिनं तत्पादुका सेव्यतां

ब्रह्मैकाक्षरमर्थ्यताम् श्रुतिशिरोवाक्यं समाकर्ण्यताम् ।।

वाक्यार्थश्व विचार्यतां श्रुतिशिरःपक्षः समाश्रीयतां

दुस्तर्कात्सुविरम्यतां श्रुतिमतर्स्कोऽनुसन्धीयताम् ।

ब्रह्मास्मीति विभाव्यतामहरहर्गर्वः परित्यज्यतां

देहेऽहम्मतिरुज्यझ्यतां बुधजनैर्वादः परित्यज्यताम् ।।

क्षुद्व्याधिश्च चिकित्स्यताम् प्रतिदिनं भिक्षौषधं सन्तुष्यताम्

स्वाद्वन्नं न तु याच्यतां विधिवशात्प्राप्तेन सन्तुष्यताम् ।

शीतोष्णादि विषह्यतां न तु वृथा वाक्यं समुच्चार्यतां

औदासीन्यमभीप्स्यतां जनकृपानैष्ठुर्यमुत्सृज्यताम् ।।

एकान्ते सुखमास्यतां परतरे चेतः समाधीयतां

पूर्णात्मा सुसमीक्ष्यतां जगदिदं तद्वाधितं दृश्यताम् ।

प्राक्कर्म प्रविलाप्यतां चितिबलान्नाप्युत्तरैः श्र्लिष्यतां

प्रारब्धं त्विह भुज्यतामथ परब्रह्मात्मना स्थीयताम् ।।

यः श्लोकपञ्चकमिदं पठते मनुष्यः

सञ्जिन्तयत्यनुदिनं स्थिरतामुपेत्य ।

तस्याशु संसृतिदवानलतीव्रघोरतापः

प्रशान्तिमुपयाति चितिप्रसादात् ।।